Íslenskar kýr og Bieber
Setja bókamerki
Kanadíski tónlistarmaðurinn og Íslandsvinurinn Justin Bieber, sem mun halda tónleika hér á landi í september, birti í dag nýtt myndband við lagið Company. Kemur þar bæði íslenskt landslag og íslenskar kýr við sögu, en þetta er ekki í fyrsta skipti sem Bieber notar Ísland sem sjónarsvið í myndböndum sínum.
Nú þegar hafa um 440 þúsund manns horft á myndbandið við lagið Company, en það var birt fyrr í dag. Meðal annars má sjá Bieber úti í haga með íslenskum kúm (á sekúndu 20 í myndbandinu) og svo við Seljalandsfoss (1:37 í myndbandinu). Það er Nútíminn sem greinir fyrst frá málinu.
Í myndbandi við lagið I'll Show You, sem gefið var út á síðasta ári, sést Bieber á fleiri stöðum á Íslandi, meðal annars við Skógafoss, við Jökulsárlón, í Fjaðrárgljúfri, á Sólheimasandi og við suðurströndina og aftur við Seljalandsfoss. Það er því ljóst að Bieber er hrifinn af landinu, en hann kom hingað ásamt fylgdarliði sínu í september á síðasta ári og virðist hrifinn af því að nota myndir frá landinu í tónlistarmyndböndin sín.
Kvikan virðist nú skiptast til helminga
Kveðst tala af virðingu: „Ég er enginn dóni“
Innviðir þandir og álagið „gríðarlegt“
„Menn eru bara búnir að forgangsraða“
Fjárfestingin 115 milljarðar króna
Þrjú og hálft ár fyrir skotárás í Úlfarsárdal
Markaðurinn hitnar og leiguverð hækkar hratt