Raunveruleikastjarnan Khloé Kardashian er búin að fá sig fullsadda á drykkjulátum fyrrverandi eiginmanns hennar, Lamar Odoms, sem hún hefur nú látið bera út úr íbúð sinni.

Stjarnan leigði húsnæði fyrir Odom eftir að hann var  útskrifaður af spítala, en hann fannst rænulaus á vændishúsi á síðasta ári og var vart hugað líf eftir að hafa tekið of stóran skammt fíkniefna.

Undanfarið hefur Odom þó setið að sumbli við ýmis tækifæri, sem hefur ekki farið vel í fyrrverandi spúsu hans.

„Khloé þurfti að setja honum stólinn fyrir dyrnar og hætta að hjálpa honum. Hún vill vera hluti af lífi hans, en einungis ef hann er heilbrigður,“ sagði ónefndur heimildamaður Us Weekly.

Þá er því einnig haldið fram að Kardashian og Odom talist ekki lengur við og að stjarnan líti svo á að hún hafi gert allt sem í hennar valdi stendur til að hjálpa fyrrverandi eiginmanni sínum.

Tengdar fréttir

Kardashian

Kardashian keypti bíl sem var kynntur á hálendi Íslands

• „Það er með sorg í hjarta að ég tilkynni að systir mín lést skyndilega í gær“
• Sakar þau um að kaupa sér vinsældir barnanna
• „Mig langar svo mikið að gifta mig“
• Kardashian í einkaþotu á Arsenal leik

» Fleiri tengdar fréttir

• Blogga um frétt