Bera þurfti leikkonuna Selmu Blair frá borði flugvélar á dögunum en hún er talin hafa neytt lyfseðilsskyldra lyfja og áfengis.
Sjúkraliðar tóku á móti leikkonunni, sem var með óráði, þegar hún lenti á LAX-flugvellinum í Los Angeles. Hún var síðan borin út á börum og flutt á spítala til aðhlynningar.
Fjögurra ára sonur Blair var í för með henni en samkvæmt sjónarvottum hrópaði leikkonan og kallaði meðan hún var um borð. Þá á hún meðal annars að hafa sagt: „Hann brennir kynfæri mín, hann leyfir mér ekki að borða eða drekka. Hann lemur mig og ætlar að drepa mig.“ Ekki er þó vitað við hvern leikkonan átti.
Samkvæmt frétt Mirror hafa talsmenn leikkonunnar enn ekki tjáð sig um málið.