Leikkonan Katie Holmes og Jamie Foxx hafa löngum verið orðuð við hvort annað en fjölmiðlar hafa í nokkur ár velt vöngum yfir því hvort skötuhjúin séu par.
Nú virðist þó vera búið að staðfesta orðróminn en vinkona leikarans greindi frá því að Foxx og Holmes væru að slá sér upp.
„Hann er góður vinur minn. Hann er mjög glaður með Katie og mér líkar að hann sé hamingjusamur,“ sagði Claudia Jorda í útvarpsviðtali á dögunum.
Skötuhjúin hafa þó alla tíð neitað því að þau eigi í sambandi, til að mynda sendi talsmaður leikkonunnar frá sér yfirlýsingu á síðasta ári þar sem meint ástarsamband er sagður tómur uppspuni.
Holmes var áður gift leikaranum Tom Cruise og eiga þau eina dóttur saman. Foxx á hins vegar tvær dætur úr fyrri samböndum.
Frétt Daily Mail