Leikarinn Channing Tatum, sem margar konur kannast eflaust við úr kvikmyndunum um Magic Mike, segir kynlíf sitt og eiginkonunnar sérlega gott, enda sé hún í frábæru formi.
Leikarinn lét orðin falla í facebookviðtali sem tímaritið Cosmopolitan stóð fyrir á dögunum en forvitnir aðdáendur vildu ólmir vita hvernig samlífi hans og eiginkonunnar, Jennu Dewan Tatum, væri háttað.
„Ég ligg bara þarna og stundum fæ ég mér blund,“ gantaðist leikarinn, enda spurningin spaugileg.
„Hún er í mjög góðu formi, þannig að við skemmtum okkur. Við stundum alls konar kynlíf. Stundum þarf maður bara að ljúka því af því maður þarf að fara í vinnuna. Það gerist í alvörunni. Síðan stundum við kynlíf þar sem við tengjumst algerlega og ótrúlega yfirnáttúrulegum böndum.“
Frétt Us weekly