Samband skötuhjúanna Taylor Swift og Tom Hiddleston er afar nýtt af nálinni, en það hefur þó talsvert verið á milli tannanna á fólki undanfarið.
Frétt mbl.is: Taylor Swift og Tom Hiddleston nýjasta parið?
Swift og fyrrverandi kærasti hennar, skoski plötusnúðurinn Calvin Harris, slitu nýverið sambandi sínu en í kjölfarið hefur söngkonan oftsinnis sést með Hiddleston.
Frétt mbl.is: Swift „dömpaði“ Harris í gegnum síma
Rómantíkin virðist vera við völd en skötuhjúin hafa til að mynda sést dilla sér á tónleikum Selenu Gomez, góðvinkonu Swift. Í gær skelltu þau sér síðan í rómantískan kvöldverð í Nashville, Tennessee.
Líkt og fram kemur í umfjöllun Daily Mail fór vel á með parinu og segja sjónarvottar að þau hafi varla slitið sig frá hvort öðru.