Samband skötuhjúanna Kylie Jenner og rapparans Tyga hefur mikið verið í sviðsljósinu undanfarið, en upp úr slitnaði á dögunum.
Frétt mbl.is: Sambandið skyggði á hæfileika mína
Nú virðast þau þó hafa tekið upp þráðinn á ný, en þau hafa oftsinnis sést saman undanfarið eins og fram kemur í frétt Daily Mail.
Þá mættu þau saman á frumsýningu nýs tónlistarmyndbands Kanye West, sem er mágur Jenner, á föstudaginn. Á laugardaginn skelltu þau sér síðan út á lífið, en skötuhjúin skemmtu sér á næturklúbbinum 10ak í Hollywood.