Vonbrigðin leyndu sér ekki á andliti fótboltakappans, og leikmanns enska landsliðsins, Jamie Vardy eftir ósigur Englendinga í gær.
Sem betur fer á Vardy góða að en eiginkona hans, Rebekah Vardy, stappaði að sjálfsögðu stálinu í sinn mann eftir leikinn.
Samkvæmt umfjöllun Mirror hefur Rebekah Vardy mikið látið í sér heyra opinberlega framan af keppninni, hún hefur þó verið þögul sem gröfin eftir leikinn í gær.
Rebekah var ekki sú eina sem þurfti að hugga harmi sleginn aðstandanda en Coleen Rooney, eiginkona Wayne Rooney, hughreysti son þeirra hjóna eftir að leikur gærdagsins var flautaður af.
Frétt mbl.is: Coleen huggaði soninn