„Ég hef brugðist móður minni“

Fyrrverandi fegurðardrottningin Zara Holland hefur verið töluvert í sviðsljósinu undanfarið, en hún var fyrr í mánuðinum svipt titlinum Ungfrú Bretland.

Eftir að Holland var krýnd tók hún þátt í raunveruleikaþáttunum Love Island þar sem hún stundaði kynlíf með öðrum keppanda. Atlotunum var síðan sjónvarpað, sem varð til þess að Holland var svipt titlinum.

Skömmu eftir að Holland missti titilinn varði hún þá ákvörðun sína að taka þátt í raunveruleikaþættinum, en líkt og fram kemur í frétt Daily Mail viðurkennir hún nú að hún hafi gert mistök.

Frétt mbl.is: „Allar konur hafa þarfir“

„Áður en ég fór í þáttinn bað mamma mín mig að sofa ekki hjá neinum. Ég brást henni og það veldur mér uppnámi. Ég hef ekki framið glæp og ég reyndi ekki að særa neinn. Ég gerði mistök, ég hef sætt mig við það og verð að halda áfram.“

• Blogga um frétt