Greip Young glóðvolgan

Rapparinn Iggy Azalea sagði unnustanum, Nick Young, upp á dögunum en parið hafði verið trúlofað síðan í fyrra.

Azalea sagði ástæðu skilnaðarins vera þá að hún treysti Young ekki lengur, en upp hafði komist um hjúskaparbrot hans. Þá greip rapparinn unnusta sinn glóðvolgan, en til hans sást á upptöku öryggismyndavélar við heimili þeirra.

Mikið hefur verið fjallað um sambandsslitin í fjölmiðlum, og brá rapparinn á það ráð að greina frá ákvörðun sinni á Twitter.

„Ég hætti með Nick vegna þess að ég komst að því að hann hafði komið með aðrar konur heim á meðan ég var í burtu. Ég náði þeim á upptöku úr öryggismyndavél.“

„Þetta er líkt og annað skot í brjóstið, og ég veit varla lengur hver það er sem ég hef elskað allan þennan tíma.“

„Fólk í þessum heimi er algerlega ruglað.“

• Blogga um frétt