Leikkonan Nicollette Sheridan hefur sótt um skilnað frá eiginmanni sínum, Aaron Phypers, eftir að hafa gifst honum á laun fyrir hálfu ári.
Sheridan, sem líklega er þekktust fyrir hlutverk sitt í sjónvarpsþáttunum Desperate Housewifes, og Phypers fóru að stinga saman nefjum í árslok 2014.
Samkvæmt frétt Daily Mail hefur leikkonan biðlað til dómstóla að vísa kröfu Phypers um framfærslu á bug, muni hann leggja slíka fram.
Sheridan var áður gift leikaranum Harry Hamlin, en þau skildu árið 1993.