Leikkonan Sigourney Weaver greindi frá því á dögunum að hún myndi gjarnan vilja leika í nýrri kvikmynd í Alien-seríunni.
Fyrsta kvikmyndin um hina hrollvekjandi geimveru kom út árið 1979, en þar lék leikkonan kvenskörunginn Ellen Ripley. Leikkonan lék seinna meir í þremur framhaldsmyndum, en segist gjarnan vilja endurtaka leikinn.
Weaver lét orðin falla á Comic-Con ráðstefnunni í San Diego, þar sem hún fagnaði 30 ára afmæli Aliens, líkt og fram kemur í frétt Sky.
Leikkonan segir leikstjórann Neill Blomkamp hafa viðrað hugmyndina við sig.
„Seinna fékk ég handrit sem er svo ótrúlegt og gefur aðdáendum allt það sem þeir leita að, auk þess sem það bryddar upp á ýmsum nýjungum. Blomkamp hefur starfi að gegna, og ég sömuleiðis, en þegar verkefnunum er lokið er ég að vonast til þess að við getum hafist handa við þetta.“