Samband raunveruleikastjarnanna Robs Kardashians og Blac Chyna hefur mikið verið á milli tannanna á fólki undanfarið.

Skötuhjúin felldu saman hugi í byrjun árs, en þau eiga von á barni í október.

Fregnir herma að samband parsins sé liðið undir lok, en samkvæmt umfjöllun Mirror á Kardashian að hafa fundið grunsamleg skilaboð á síma fyrirsætunnar.

Kardashian hætti í kjölfarið að fylgja Chyna á samfélagsmiðlum, og eyddi að lokum öllum myndum af henni af instagramreikningi sínum.

Allt virtist leika í lyndi hjá skötuhjúunum undanfarið, en þau greindu nýverið frá því að þau ættu von á stúlku.

Frétt mbl.is: Rob og Blac Chyna eiga von á stúlku

Tengdar fréttir

Kardashian

Swift hjólar í Kardashian á nýju plötunni

• Kardashian keypti bíl sem var kynntur á hálendi Íslands
• „Það er með sorg í hjarta að ég tilkynni að systir mín lést skyndilega í gær“
• Sakar þau um að kaupa sér vinsældir barnanna
• „Mig langar svo mikið að gifta mig“

» Fleiri tengdar fréttir

• Blogga um frétt