Christina Knudsen, stjúpdóttir leikarans Rogers Moores, lést úr krabbameini í gær, 47 ára að aldri.
Knudsen er dóttir núverandi eiginkonu Moores, Kristinu Tholstrup. Moore greindi frá þessu á twittersíðu sinni í gær.
Our beautiful daughter Christina (aka Flossie) lost her battle with cancer 25 July at 10am. We are heartbroken. pic.twitter.com/x0AQui2F8m
— Sir Roger Moore (@sirrogermoore) July 26, 2016
Knudsen er dóttir Hans Christian Knudsens og Kiki Tholstrup, fjórðu eiginkonu Rogers Moores. Hún hafði búið í Lundúnum frá árinu 1997. Hún átti í fjögurra ára sambandi við Janus Friis, einn stofnenda fyrirtækisins Skype.
Í frétt Expressen segir að Knudsen hafi sjálf upplifað mikla sorg á sinni ævi. Faðir hennar, Hans Christian Knudsen, framdi sjálfsvíg þegar hún var sex ára gömul, eftir að hann var grunaður um stórfelld skattalagabrot.
Tveimur áratugum síðar lést annar stjúpfaðir hennar, Ole Tholstrup, eftir langa glímu við alkóhólisma.