Mikið hefur verið rætt um samband leikkonunnar Lindsay Lohan og hins rússneska Egors Tarabasovs undanfarið.
Sambandið hefur verið stormasamt og er leikkonan sögð hafa slitið trúlofun þeirra, líkt og fram kemur í frétt Daily Mail.
Frétt mbl.is: Biður aðdáendur að virða einkalíf sitt
Lohan yfirgaf London eftir að hafa slitið sambandi sínu við Tarabasov, en hann er einnig sagður hafa flutt út úr íbúð hennar.
„Þau eru í pásu. Hún vildi ekki að hann væri að fara í íbúð hennar í leyfisleysi, en hann kom og fjarlægði allar eigur sínar,“ er haft eftir ónefndum heimildamanni.
Frétt mbl.is: Lögregla kölluð á heimili Lohan vegna gruns um heimilisofbeldi