Fannst hún of gömul fyrir Hollywood

Leikkonan Ellen Pompeo greindi frá því á dögunum að hún hefði kosið að halda sig við þættina Grey's Anatomy af ótta við að fá engin bitastæð hlutverk í Hollywood.

„Ákvörðun mín að halda áfram í Grey's var eingöngu byggð á aldri mínum,“ sagði leikkonan í samtali við tímaritið People.

„Þegar ég var 33 ára var ég nógu vitur til að átta mig á því að klukka mín væri þegar farin að tifa í Hollywood. Ég hugsaði með mér: Hvers vegna ætti ég að yfirgefa eitthvað sem er svona farsælt til þess að róa á ný mið?

Ég ákvað að ég myndi halda áfram í Grey's og vera þar eins lengi og ég gæti. Ég er mjög fegin að ég tók þá ákvörðun, þættirnir hafa bara batnað með árunum.“

• Blogga um frétt