Leikkonan Lindsay Lohan hefur mikið verið í sviðsljósinu undanfarið, en hún sleit nýverið sambandi við unnusta sinn, hinn rússneska Egor Tarabasov.
Frétt mbl.is: Lohan slítur trúlofuninni
Eftir sambandsslitin fór Lohan til Sardiníu þar sem hún nýtur lífsins á snekkju, en faðir leikkonunnar, Michael Lohan, greindi nýverið frá því að hún sé með barni.
„Hún sendi mér skilaboð og sagði mér frá þessu. Ég veit ekki hversu langt á leið hún er komin. Hún segir mér að hún sé ólétt, og ég hef enga ástæðu til þess að rengja hana. Mér var örlítið brugðið, en við þessu var að búast. Hún er þrítug,“ sagði Michael í samtali við Page Six.
Frétt mbl.is: Lögregla kölluð á heimili Lohan vegna gruns um heimilisofbeldi