Raunveruleikastjarnan Caitlyn Jenner hefur kært ljósmyndara fyrir hlut þeirra í bílslysi sem hún lenti í á síðasta ári.

Áreksturinn átti sér stað í Malibu, en Kim Howe, kona á sjötugsaldri beið bana í slysinu.

Forsaga málsins er sú að Jenner keyrði aftan á bifreið Howe, sem síðan skaust yfir á öfugan vegarhelming og í veg fyrir annan bíl. Howe lést skömmu síðar á slysstað.

Jenner heldur því fram að ljósmyndarar hafi veitt henni eftirför og áreitt allan daginn í von um að smella af henni mynd, sem síðan hafi orðið til þess að athygli hennar við aksturinn skertist.

Samkvæmt frétt People vill Jenner að ljósmyndararnir verði gerðir skaðabótaskyldir og þeim verði gert að borga hluta þeirra skaðabóta, auk lögfræðikostnaðar, sem málið hefur haft í för með sér.

Tengdar fréttir

Kardashian

Swift hjólar í Kardashian á nýju plötunni

• Kardashian keypti bíl sem var kynntur á hálendi Íslands
• „Það er með sorg í hjarta að ég tilkynni að systir mín lést skyndilega í gær“
• Sakar þau um að kaupa sér vinsældir barnanna
• „Mig langar svo mikið að gifta mig“

» Fleiri tengdar fréttir

• Blogga um frétt