Á miðvikudaginn lenti raunveruleikastjarnan Kris Jenner í bílslysi í námunda við heimili sitt í Calabasas.
Svo virðist vera sem engin alvarleg slys hafi orðið á fólki en bíll Jenner, vikugamall Rolls Royce, gjöreyðilagðist þó í árekstrinum.
Jenner beið ekki boðanna, en í gær fékk hún sendan glænýjan bíl í stað þess gamla sem eyðilagðist í umferðaróhappinu.
Nýi bíllinn er af sömu tegund og sá fyrri en hann er metinn á 250.000 Bandaríkjadali, eða rétt rúmar 30 milljónir íslenskra króna, líkt og fram kemur í frétt Daily Mail.