Söngvari Muse fór út fyrir bandið

Matt Bellamy, einn þriggja í hljómsveitinni Muse, hefur verið duglegur að fanga augnablikin í Íslandsferðinni. Hljómsveitin hélt tónleika í Laugardalshöll laugardaginn 6. ágúst og heimsótti einnig meðal annars Gullfoss og Langjökul.

Bellamy deilir nokkrum myndskeiðum á Instagram-aðgangi sínum og eru þau tekin með myndavél sem hann hefur komið fyrir á flygildi. Í einu myndskeiðinu má sjá hann sitja við Gullfoss ásamt fleira fólki og er hann með fjarstýringu í höndunum. Þess má geta að hann situr í grasinu, fyrir utan bandið sem gestir staðarins eiga ekki að fara yfir. 

Hér má sjá myndskeið frá Langjökli. 

• Blogga um frétt