Main Coon-kötturinn Samson, sem er fjögurra ára og engin smásmíði, hefur verið krýndur stærsti köttur New York borgar.

Það þarf engan að undra, enda er Samson rúmlega 1,2 metrar að lengd og vegur tæp 13 kílógrömm.

Maine Coon-kettir eru stærstir heimiliskatta, en algengt er að fresskettir tegundarinnar vegi á bilinu sjö til 11 kílógrömm.

Jonathan Zurbel, eigandi Samsons, segir köttinn gjarnan haga sér líkt og hann væri hundur, þó hann taki ekki í mál að ganga í taumi.

„Hann er prýðisgóður í að sækja og hann eltir mig á milli herbergja og leggur sig við fætur mína, líkt og hann væri hundur,“ sagði Zurbel í samtali við The New York Post.

Hægt er að fylgjast með ævintýrum Samsons á Instagram-síðu hans, þar sem hann gengur undir nafninu Catstradamus. Kauði virðist geysivinsæll, enda á hann rúmlega 49.000 fylgjendur.

Samson er jafn blíður og hann er stór.

Það þarf víst að borða matinn sinn til að verða stór og stæðilegur.

Tengdar fréttir

Krúttleg dýr

Íslenskir hestar og hundar frá Gasa á JFK-flugvelli

• Blóðgjöfin sem bjargaði hundslífi
• Hundur gaf hundi blóð
• Lúrði á staurnum og opnaði augun annað slagið
• Bjarni Ben fékk lítinn nafna á Bessastöðum

» Fleiri tengdar fréttir

• Blogga um frétt