Gervais fyllir höllina af líkamsræktartólum

Hinn gamansami Ricky Gervais og kærasta hans, Jane Fallon, fluttu á dögunum í nýtt glæsihýsi í norðurhluta London.

Húsið, sem hefur að geyma átta svefnherbergi, er metið á 10,8 milljónir sterlingspunda, eða tæpa 1,7 milljarða íslenskra króna.

Skötuhjúin virðast ætla að nýta plássið vel, en svo virðist vera sem leikarinn hafi fyllt húsið af líkamsræktartólum. Þá er þar meðal annars að finna boxpúða, þrekhjól, róðrarvél, lyftingabekk og golfkylfur.

Gervais lét þó flutningamenn um að bera herlegheitin, enda er hann í óða önn að kynna nýjustu kvikmynd sína David Brent: Life on the Road, líkt og fram kemur í frétt Daily Mail.

Leikarinn lét flutningamenn um að flytja forláta boxpúða sem prýðir heimili hans. Ljósmynd / skjáskot Daily Mail

• Blogga um frétt