Hitti loksins tengdasoninn

Brúðkaup Bellu Cruise, dóttur Tom Cruise og Nicole Kidman, vakti gríðarlega athygli á síðasta ári. Ekki síst fyrir þær sakir að foreldrar hennar voru ekki viðstaddir athöfnina.

Í rauninni hefur mikið verið rætt um stormasamt samband Kidman og dótturinnar í gegnum tíðina, en leikarahjónin fyrrverandi ættleiddu stúlkuna árið 1992. Þau ættleiddu síðan piltinn Connor Cruise þremur árum síðar.

Samkvæmt frétt Daily Mail er Kidman að reyna að endurbyggja samband þeirra mæðgna, en hún er sögð hafa hitt tengdason sinn, Max Parker, í fyrsta skipti á dögunum.

„Nic er búin að vera að vinna í sambandinu síðan í byrjun árs,“ er haft eftir ónefndum heimildamanni.

„Nicole líkaði strax mjög vel við Max, og sér að honum og Bellu kemur vel saman.“

Nicole kidman er sögð vilja vinna í sambandi hennar og dótturinnar, Bellu Cruise. AFP

• Blogga um frétt