Taylor Swift ætlar ekki að heiðra gesti VMA-verðlaunanna með nærveru sinni, en verðlaunahátíðin fer fram næstkomandi sunnudag.
Swift var ekki tilnefnd til neinna verðlauna á hátíðinni, en þvertekur fyrir að það sé ástæða fjarveru hennar. Þá segist hún einfalega aldrei hafa ætlað sér að mæta.
Þá greinir Mirror frá því að erkióvinur söngkonunnar, rapparinn Kanye West, fái að haga fjögurra mínútna atriði sínu algerlega eftir eigin höfði. West er sagður mega gera hvað svo sem honum dettur í hug, hvort sem það er að rappa, syngja, dansa eða stara tómlega út í loftið og velta margir fyrir sér hvort það spili inn í ákvörðun Swift.
Eins og frægt er orðið stökk West upp á svið og truflaði Swift þegar hún tók á móti verðlaunum á VMA-hátíðinni árið 2009. Segja má að síðan þá hafi andað köldu á milli þeirra tveggja.