Tónlistarhátíðin Iceland Airwaves verður haldin dagana 2. til 6. nóvember næstkomandi og eflaust margir sem bíða í ofvæni.
Í dag var heildarlisti hljómsveita tilkynntur og bættust 90 ný nöfn í hópinn. Flytjendur eru því alls um 220 talsins, en þar af munu 70 erlendar sveitir stíga á svið.
Meðal þeirra listamanna sem bættust við eru: A & E Sounds, Airwords, Ambátt, Beliefs, Ben Frost, DALÍ, Dr. Spock, Go Dark, Herra Hnetusmjör, Kelsey Lu, Kiasmos, Leyya, Stafrænn Hákon og Valdimar.
Þá mun finnska pönksveitin Pertti Kurikan Nimipäivät, sem sló í gegn í Eurovision um árið, einnig heiðra landann með nærveru sinni.
Miðasalan fer fram á heimasíðu Iceland Airwaves og Tix.is og vilja skipuleggjendur hátíðarinnar hvetja áhugasama um tryggja sér miða í tíma, enda hefur verið uppselt undanfarin ár.
Frekari upplýsingar um hljómsveitir og listamenn má finna hér.