Leikarinn Mark Wahlberg greindi frá því í nýju viðtali að hann æfði af kappi, en forðaðist þó allar öfgar. Þá hámar hann ekki í sig óhollustu og fer í háttinn klukkan níu á kvöldin.
„Það er ekki að ræða það að ég fari á veitingahús, eða drekki vín. Ég fer beinlínis heim og upp í rúm. Ef ég er búinn í vinnunni klukkan átta er ég farinn að sofa klukkan níu,“ sagði leikarinn í viðtali við tímaritið Men‘s Health.
„Ég vil ekki bara líta út eins og kraftlyftingakappi, ég hef gert það áður. Ég vil geta leikið við börnin mín, hlaupið um og spilað körfubolta.“
Leikarinn þurfti þó að gera hlé á æfingunum og bæta á sig kílóum fyrir nýjustu mynd sína Deepwater Horizon.
„Ég borðaði mikið af steiktum mat, samlokum, pasta. Við vorum í New Orleans, þannig að það var enginn skortur á slíku. Ég þyngdi mig eins mikið og ég gat, sem var skemmtilegt um stund, síðan varð það óþægilegt í hitanum.
Frétt Daily Mail