Fyrirsætan Blac Chyna og raunveruleikastjarnan Rob Kardashian eiga von á lítilli stúlku á næstunni.

Líkt og fram kemur í frétt Daily Mail hefur Chyna, sem á fyrir þriggja ára son, gefið út að hún geti vel hugsað sér að borða fylgjuna að fæðingu lokinni.

„Maður getur látið útbúa pillur, en þær eru hollar fyrir þig og barnið. Þegar hundar og kettir eignast afkvæmi éta þeir fylgjuna. Maður segir „nei ekki gera þetta,“ en þeir gera það og það er hollt. Mér finnst ég betur upplýst nú þegar ég geng með annað barnið mitt.“

Chyna yrði ekki fyrsta stjarnan til að leggja sér fylgju sína til munns því mágkona hennar Kim Kardashian segist hafa gert slíkt hið sama. Þá lét Coleen Rooney einnig frostþurrka fylgju sína og gera úr henni pillur sem hún notaði sem bætiefni.

Frétt mbl.is: Kim gæðir sé á eigin fylgju

Frétt mbl.is: Coleen kjamsar á eigin fylgju

Tengdar fréttir

Kardashian

Swift hjólar í Kardashian á nýju plötunni

• Kardashian keypti bíl sem var kynntur á hálendi Íslands
• „Það er með sorg í hjarta að ég tilkynni að systir mín lést skyndilega í gær“
• Sakar þau um að kaupa sér vinsældir barnanna
• „Mig langar svo mikið að gifta mig“

» Fleiri tengdar fréttir

• Blogga um frétt