Clinton á milli tveggja burkna
Setja bókamerki
„Þegar þú sérð hvað það virkar vel fyrir Donald Trump, spyrðu þig einhvern tímann: „Ætti ég kannski að vera meiri rasisti“?“ var á meðal þess sem háðfuglinn Zach Galifianakis spurði forsetaframbjóðandann Hillary Clinton þegar hún var gestur hans í þættinum Á milli tveggja burkna.
Galifianakis kom með margar gáfulegar spurningar og athugasemdir við Clinton, þar á meðal að fyrir utan að verða fyrsta konan til að gegna embætti forseta Bandaríkjanna yrði hún fyrsti hvíti forseti margra barnungra Bandaríkjamanna.
Óhjákvæmilega barst talið þó að mótframbjóðanda hennar, Donald Trump.
„Þegar hann verður kjörinn forseti og Kid Rock verður utanríkisráðherra ætlarðu þá að flytja til Kanada eða annars hvors heimsskautsins?“ spurði grínistinn. Clinton sagðist hins vegar ætla að verða um kyrrt í Bandaríkjunum.
„Ég myndi reyna að koma í veg fyrir að hann eyðileggi Bandaríkin,“ sagði frambjóðandi Demókrataflokksins sem fetaði í fótspor Baracks Obama forseta sem kom fram í þættinum á sínum tíma.
Skar höfuðleðrið af íslenskri konu
Sex hafa greinst með listeríu
Shakespeare fannst í skókassa
Árshátíð ríkislögreglustjóra haldin í Tékklandi
Tveir í bílnum sem lenti utan vegar
Æskuvinur Íslendings myrtur í Noregi
„Það þarf að vinna mikinn fjölda upp“