Söngkonan Ellie Goulding hefur greint frá því að líkami hennar hafi verið byrjaður að gefa sig, en hún þjáðist af ofþreytu og þurfti að taka sér frí frá tónleikahaldi.
Goulding fór að ráðum læknisins, en áttaði sig að eigin sögn ekki á því hversu alvarlegt ástandið væri orðið.
„Ég var greind með ofþreytu fyrir nokkrum mánuðum, en ég er núna rétt að átta mig á því hversu alvarlegt ástandið var orðið.“
„Þegar ég lít til baka sé ég að þreytan stafaði ekki af þunglyndi, heldur var líkaminn farinn að gefa sig.“
Auk þess að þjást af ofþreytu þurfti söngkonan að takast á við slæmt svefnleysi, sem setti strik í reikninginn líkt og fram kemur í frétt Mirror.