Bandaríska alríkislögreglan (FBI) segist nú kanna ásakanir um að leikarinn Brad Pitt hafi veist að börnum sínum í einkaþotu á dögunum. Slúðursíður fullyrða að meðferð Pitt á börnunum hafi verið ástæðan fyrir því að Angelina Jolie sótti um skilnað frá honum.

Í yfirlýsingu frá FBI í gær kom fram að rannsóknin varðaði „ásakanir innan lofthelgi Bandaríkjanna, nánar tiltekið í flugvél sem hr. Brad Pitt og börnin hans voru farþegar í“. Engar frekari upplýsingar um athugunina voru í yfirlýsingunni, aðeins að FBI væri að safna gögnum til að meta hvort tilefni væri til að hefja alríkisrannsókn.

Nokkrir fjölmiðlar hafa greint frá því í þessari viku að Pitt hafi veist að minnsta kosti einu af sex börnum þeirra Jolie með orðum og ofbeldi. Jolie sótti um skilnað á mánudag. Lögreglan í Los Angeles hefur áður sagt að hún hafi Pitt ekki til rannsóknar.

Tengdar fréttir

Jolie/Pitt

Jennifer Aniston gefst ekki upp á ástinni

• Vonast til að Jolie fyrirgefi sér
• „Ég er ekki fullkomið foreldri“
• Jolie mætti með barnahrúguna með sér
• Jolie endurnýjar kynnin við fyrrverandi

» Fleiri tengdar fréttir

• Blogga um frétt