Mikið hefur verið rætt um hjónaskilnað stjörnuparsins Angelinu Jolie og Brad Pitt, en leikkonan sótti um skilnað frá leikaranum fyrr í vikunni.

Því hefur verið haldið fram að Pitt hafi veist að börnum þeirra hjóna með orðum og ofbeldi í síðustu viku, og hafa ýmsir miðlar lýst því yfir að það sé ástæða skilnaðarins.

Bandaríska alríkislögreglan hefur nú greint frá því að hún sé að kanna ásakanir á hendur leikaranum, en honum er gert að sök að hafa veist að minnst einu barni þeirra hjóna í einkaþotu á dögunum.

Samkvæmt frétt Daily Mail átti Pitt í erjum við elsta son þeirra, hinn 15 ára Maddox. Fjölskyldan er sögð hafa verið á leið frá Frakklandi, en þota þeirra lenti í Minnesota.

Pitt er nú sagður dvelja á heimili fjölskyldunnar í Los Angeles, en samkvæmt frétt Daily Mail hafast Jolie og börnin við í leiguíbúð í Malibu.

Tengdar fréttir

Jolie/Pitt

Jennifer Aniston gefst ekki upp á ástinni

• Vonast til að Jolie fyrirgefi sér
• „Ég er ekki fullkomið foreldri“
• Jolie mætti með barnahrúguna með sér
• Jolie endurnýjar kynnin við fyrrverandi

» Fleiri tengdar fréttir

• Blogga um frétt