„Þið eruð glötuð“
Setja bókamerki
Ungstirnið Justin Bieber hefur undanfarið verið á tónleikaferðalag, en líkt og alþjóð veit hélt hann tónleika á Íslandi í síðasta mánuði.
Um helgina var kappinn staddur í Noregi, en eitthvað virðist hann hafa verið stúrinn. Í það minnsta hafði hann ekki áhuga á að spjalla við aðdáendur sína, heldur sagði þeim hreint út að þeir væru alveg glataðir.
Forsaga málsins er sú að æstur aðdáandi beið söngvarans, með símann á lofti, og freistaði þess að ná af honum tali. Þegar Bieber hins vegar gekk fram hjá svaraði hann kveðjunni með fremur kaldranalegum hætti, að því er virðist, og sagði: „Þið eruð glötuð“.
Bieber virðist ekki sérstaklega vel við Norðmenn en fyrir ári síðan strunsaði hann af sviðinu á tónleikum í Ósló og sagðist ekki ætla að klára tónleikana. Kvartaði hann yfir því að þeir hlustuðu ekki á sig á meðan hann var að reyna að þurrka upp vatn af gólfinu. Hann bað aðdáendur sína síðar afsökunar á athæfinu.
Það þarf kannski ekki að undra að söngvarinn sé orðinn þreyttur, enda er hann eltur á röndum hvert sem hann fer. Hann hefur einnig margoft tjáð sig um það að honum þyki athygli aðdáenda óþægileg.
Frétt mbl.is: Líður líkt og dýri í búri
Frétt mbl.is: Justin Bieber að kikna undan álagi
„Skýr skilaboð til Seðlabankans“
„Okkur miðar í rétta átt“
Veiting hvalveiðileyfis ekki brot á EES-samningi
Skemmtiferðaskip hætt komið nærri Viðey
Árshátíð ríkislögreglustjóra haldin í Tékklandi
Eyjafjarðarbraut lokað vegna alvarlegs umferðarslyss
Tóku upp hanskann fyrir leikskólabörn
„Hvílir mikil leynd yfir þessu öllu“