Mánuður er liðinn frá því að öflugur jarðskjálfti reið yfir Ítalíu, en hann er með þeim mannskæðustu sem hafa gengið yfir landið. Fjöldi manns lét lífið, auk þess sem gríðarlegt eignatjón varð á svæðunum sem verst urðu úti.

Ekki var gert ráð fyrir því að fleiri myndu finnast á lífi í rústunum þegar kraftaverkakötturinn Rocco var grafinn upp á sunnudaginn.

Slökkviliðsmenn komu auga á köttinn, en þeir voru að undirbúa niðurrif á húsi sem var að hruni komið. Rocco hafði verið fastur undir rústunum í 32 daga, líkt og fram kemur í frétt The Dodo, en líklegt þykir að hann hafi bjargað lífi sínu með því að drekka regnvatn.

Kötturinn þjáðist af vökvaskorti og var glorsoltinn, en annars merkilega vel á sig kominn. Það voru því miklir fagnaðarfundir þegar Rocco hitti fjölskyldu sína á ný, en hann hafði næga orku eftir þrautirnar til að mala hressilega í fangi eiganda síns.

Rocco fékk aðhlynningu dýralækna eftir að hann fannst. Ljósmynd / skjáskot The Dodo

Tengdar fréttir

Krúttleg dýr

Úr fatahönnun í nám í dýrahjúkrun

• Íslenskir hestar og hundar frá Gasa á JFK-flugvelli
• Blóðgjöfin sem bjargaði hundslífi
• Hundur gaf hundi blóð
• Lúrði á staurnum og opnaði augun annað slagið

» Fleiri tengdar fréttir

• Blogga um frétt