Mikla athygli vakti þegar Hillary Clinton kom í viðtal til grínistans Zachs Galifianakis í þættinum Á milli tveggja burkna í síðustu viku. Galifiniakis segist hins vegar ekki hafa áhuga á að fá Donald Trump í þáttinn. Til þess sé forsetaframbjóðandinn of „þroskaheftur“.

Milljónir manna hafa horft á Clinton á milli tveggja burkna. Í viðtali við Los Angeles Times var Galifianakis spurður að því hvort hann myndi bjóða Trump í þáttinn en háðfuglinn var ekki á þeim buxunum. Vísaði hann til „geðveiki“ frambjóðanda Repúblikanaflokksins.

Frétt mbl.is: Clinton á milli tveggja burkna

„Hann er þannig manngerð sem kann að meta athygli, slæma athygli eða góða athygli. Þannig a' maður er að eiga við geðveiki hérna sem er svolítið skrýtin. Ég myndi ekki bjóða manneskju í þáttinn sem er svona þroskaheft. Mér myndi líða eins og ég væri að notfæra mér hann. Og þú mátt prenta þetta,“ sagði Galifianakis við blaðið.

Clinton er sögð hafa átt frumkvæðið að því að koma í þáttinn en hún er sögð hafa verið mikil aðdáandi viðtals Galifianakis við Barack Obama forseta á milli tveggja burkna fyrir tveimur árum. Þá er stór hluti atriðisins sagður hafa verið leikinn af fingrum fram. Spunahæfileikar Clinton komu Galifianakis þó ekki á óvart.

„Ég held ekki að þú getir náð eins langt í bandarískum stjórnmálum og hún hefur gert án þess að hafa kímnigáfu,“ segir grínistinn.

Tengdar fréttir

Forsetakosningar í Bandaríkjunum 2016

Obama kenndi Clinton um sigur Trump

• Minnka vægi ofurkjörmanna
• Vill rannsókn á kosningabaráttu Clinton
• Samfélagsmiðlar undir smásjá Bandaríkjaþings
• Samþykkir val á Rex Tillerson

» Fleiri tengdar fréttir

• Blogga um frétt