Myndskeið með Japananum Piko Taro hefur farið um netheima eins og eldur í sinu. Yfir fjórar milljónir manna hafa horft á hann á Youtube dansa og syngja um hvernig hægt er að búa til svokallaðan eplapenna, ananaspenna eða skella þessu öllu saman svo úr verður eplaananaspenni.
Piko er spáð miklum vinsældum á netinu og er sagður geta mögulega orðið næsta Gangnam-stjarna Japana. En sá síðar nefndi er listamannsheiti Suður-Kóreubúans Psy sem varð vinsæll um allan heim með samnefndu lagi og þótti dansinn ekki síðri.
Ófáir ungir Japanir hafa sett inn myndir og myndbönd af sér dansa við lagið á samfélagsmiðla einkum Twitter og notast er við myllumerkið #PPAP
Vídeóið var sett inn 25. ágúst. Það er stutt, tæp ein mínúta að lengd og er sjón söguríkari.