Raunveruleikastjarnan Kim Kardashian er sögð vilja fá nálgunarbann á hrekkjalóminn Vitalii Sediuk, en í gær laumaði hann sér fram hjá öryggisvörðum og reyndi að smella kossi á afturenda stjörnunnar.

Hinum úkraínska Sediuk varð þó ekki kápan úr því klæðinu enda er Kardashian jafnan í fylgd öryggisvarða, og voru þeir fljótir að snúa hann niður.

Þetta er ekki í fyrsta skipti sem Kardashian verður fyrir barðinu á Sediuk, en fyrir tveimur árum reyndi hann einnig að grípa til hennar, líkt og fram kemur í frétt Daily Mail.

Þá komst hann einnig í fréttirnar fyrir skömmu þegar hann veittist að fyrirsætunni Gigi Hadid, greip utan um hana og lyfti henni upp. Hadid var svo brugðið að hún brá á það ráð að berja frá sér.

Frétt mbl.is: Gigi Hadid neyddist til að verja sig

Sediuk er fyrrverandi sjónvarpsmaður en hann hefur margoft abbast upp á hinar ýmsu stórstjörnur. Til að mynda kyssti hann Will Smith árið 2012, með þeim afleiðingum að leikarinn löðrungaði hann. Þá braut hann gleraugu Brad Pitt árið 2014 þegar hann ruddist upp að honum á frumsýningu kvikmyndarinnar Maleficent.

Svo virðist vera sem Sediuk hafi reynt að kyssa afturendann á Kardashian. Ljósmynd / skjáskot Daily Mail

Tengdar fréttir

Kardashian

Swift hjólar í Kardashian á nýju plötunni

• Kardashian keypti bíl sem var kynntur á hálendi Íslands
• „Það er með sorg í hjarta að ég tilkynni að systir mín lést skyndilega í gær“
• Sakar þau um að kaupa sér vinsældir barnanna
• „Mig langar svo mikið að gifta mig“

» Fleiri tengdar fréttir

• Blogga um frétt