Gibbs sýknaður af nauðgun

Bandaríski rapparinn Freddie Gibbs var sýknaður af ákæru um nauðgun í Vín í morgun. Gibbs, sem er 34 ára, var ákærður fyrir að hafa nauðgað 17 ára gamalli stúlku sem var ofurölvi með honum á hótelherbergi eftir tónleika hans í borginni fyrir rúmu ári síðan.

Málið var tekið fyrir í morgun og ákvað dómari að meta vafa Gibbs í hag en stúlkan fór með honum ásamt 16 ára gamalli vinkonu sinni upp á hótelberbergi eftir tónleika. Þær höfðu drukkið ótæpilega af áfengi baksviðs eftir tónleikana og er talið að þeim hafi jafnvel verið byrluð ólyfjan. 

Gibbs hefur alltaf neitað því að hafa nauðgað stúlkunni og þar sem dómari sýknaði hann er hann laus allra mála.

Frétt mbl.is: Gibbs ákærður fyrir nauðgun

• Blogga um frétt