Vilhjálmur prins, Katrín eiginkona hans og börnin þeirra tvö hafa verið á miklu flandri undanfarið en þau eru í opinberri heimsókn í Kanada.
Hjónakornin hafa heimsótt hvern viðburðinn á fætur öðrum, en fjölskyldan ákvað að gera sér glaðan dag með börnunum tveimur í gær.
Litli prinsinn Georg, og yngri systir hans Karlotta, stálu aldeilis senunni á sérstakri barnahátíð þar sem þau skemmtu sér ásamt foreldrum sínum.
Líkt og fram kemur í frétt Daily Mail gafst börnunum meðal annars færi á því að fara á hestbak, ásamt því að klappa hundum og kanínum en hátíðin var haldin í samvinnu við góðgerðafélag sem aðstoðar fjölskyldur hermanna.
Ekki er annað að sjá en systkinin hafi skemmt sér konunglega, en þau bræddu einnig ófá hjörtu.