Raunveruleikastjarnan Kim Kardashian hefur dregið kæru sína til baka, en hún hugðist lögsækja slúðurvefinn Media TakeOut sem hélt því fram að hún hefði logið til um ránið í París.
Frétt mbl.is: Kim Kardashian lögsækir slúðurblað
Miðillinn hélt því fram að Kardashian hefði logið til um ránið, og gaf í skyn að hún hygðist svíkja fé út úr tryggingafélagi sínu.
Eins og fram kemur í frétt Sky hefur stjarnan nú fallið frá lögsókninni, en miðillinn sendi frá sér afsökunarbeiðni á fréttaflutningnum fyrir tveimur vikum.
„Eftir að hafa rætt við heimildarmenn, sem sumir hverjir eru tengdir Kardashian-fjölskyldunni, erum við handviss um að Kardashian var rænd eins og lögreglunni í París var tilkynnt um. Allir þeir sem eru enn á annarri skoðun hafa rangt fyrir sér,“ sagði meðal annars í tilkynningu Media TakeOut.