Dyravörðurinn sem var á vakt þegar fimm vopnaðir menn rændu Kim Kardashian hefur greint frá því að þjófarnir hafi verið á höttunum eftir peningum, ekki skartgripum.
„Ræninginn sagðist ekki vilja síma á frönsku, en hann skildi ekki ensku. Hún skildi ekki frönsku, en maðurinn bað ítrekað um peninga,“ sagði vörðurinn í viðtali við Mirror.
„Hún hélt að þeir væru þarna til þess að ræna hringnum. Hún sýndi höndina, en hún var ekki með hringinn á sér. Maðurinn spurði hvar er hringurinn? Hringurinn var á nálægu borði, hún lét hann fá hringinn og maðurinn setti hann í vasann.“
Þá telur dyravörðurinn að ræningjarnir hafi í fyrstu ekki ruðst inn til þess að hafa á brott með sér skartgripi, heldur hafi þeir ætlað að stela seðlum.
„Þeir voru þarna til að fá peningana. Hann setti skartgripina í bakpokann sinn, sem hann skildi eftir opinn. Þess vegna týndu þeir skartgripum í kringum hótelið. Hvar eru peningarnir, peningarnir, peningarnir? Ég held að fyrir honum hafi þetta bara verið hringur. Hann hætti ekki að biðja um peninga.“