Leikkonan Marion Cotillard, sem lék á móti Brap Pitt í kvikmyndinni Allied, hrósaði leikaranum í hástert á dögunum.
„Brad er svo góður maður og auðvitað frábær leikari. Hann er svo góð manneskja þannig að það er ekki erfitt að láta sér lynda við hann,“ sagði leikkonan í viðtali við Entertainment Tonight.
Cotillard og Pitt gengu rauða dregilinn í síðustu viku, en nýjasta kvikmynd þeirra var frumsýnd á dögunum.
Pitt hefur látið lítið fyrir sér fara undanfarið, en hann mætti þó á frumsýningu Allied. Skömmu áður hafði verið greint frá því að rannsókn á hendur Pitt væri lokið, og að ekkert hefði fundist sem benti til þess að hann hefði beitt son sinn ofbeldi.