Kærasta Harrys prins, leikkonan Meghan Markle, er farin aftur til síns heima en hún hefur undanfarið dvalið hjá prinsinum í London.

Markle er búsett í Kanada, þar sem þættirnir Suits eru teknir upp, en hún hafði tekið sér örlítið frí frá störfum.

Samkvæmt frétt Mirror var búist við því að Markle myndi koma opinberlega fram með prinsinum í fyrsta sinn á laugardag, en hún hafði þá þegar yfirgefið landið.

Þá var einnig búist við því að prinsinn myndi kynna kærustuna fyrir sjálfri drottningunni, en að sögn miðilsins gafst ekki tími til þess.

„Þetta var aðeins stutt frí, þar sem hún er í tökum. Það hefur mikið verið rætt um að kynna hana fyrir drottningunni og Karli Bretaprinsi, en það gafst einfaldlega ekki tími til þess,“ er haft eftir ónefndum heimildarmanni.

Fregnir herma að leikkonan hafi ekki náð að hitta Elísabetu drottningu áður en hún hélt af landi brott. AFP

Tengdar fréttir

Kóngafólk í fjölmiðlum

Ný stytta afhjúpuð af Elísabetu II. drottningu

• Lúðvík prins fagnar sex árum
• Í fyrstu heimsókn eftir krabbameinsgreiningu Katrínar
• Þráir að hitta barnabörnin sín
• Nýgift og eiga von á barni

» Fleiri tengdar fréttir

• Blogga um frétt