Tónlistarmaðurinn The Weeknd, eða Abęl Tesfaye, greindi frá því í nýju viðtali að hann hefði átt við áfengis- og fíkniefnavanda að stríða á sínum yngri, en hann segist enn fremur hafa notast við fíkniefni til að vinna bug á ritstíflu.
„Ég upplifði stundum ritstíflu, jafnvel með þessa nýju plötu. Stundum hugsaði ég með sjálfum mér að ég gæti ekki gert þetta allsgáður. Ég varð að fá þetta litla spark og þá fór boltinn að rúlla. Síðan þurfti ég ekki lengur á þessu að halda,“ sagði tónlistarmaðurinn í viðtali við The Guardian.
Tesfaye heldur því fram að í dag hafi hann stjórn á neyslu sinni, en hann fór að fikta við kannabisefni þegar hann var 11 ára. Seinna fór hann að neyta alls kyns fíkniefna, svo sem kókaíns, lyfseðilskyldra lyfja og ofskynjunarsveppa.
„Fíkniefnin voru hækja fyrir mig. Á fyrstu plötunni minni er að finna lög sem eru sjö mínútur, þar sem ég lét móðan mása um hvað svo sem mér lá á hjarta þegar ég var undir áhrifum. Ég get ekki ímyndað mér að ég myndi gera það aftur.“