Um tíu þúsund miðar verða í boði á tónleika bandarísku hljómsveitarinnar Red Hot Chili Peppers í Nýju Laugardalshöllinni 31. júlí. Miðarnir verða í tveimur verðflokkum. Sá ódýrari sem verður í B-svæði kostar 13.990 krónur en sá dýrari sem verður í A-svæði kostar 19.990 krónur.
Um 6 þúsund A-miðar eru í boði og 4 þúsund B-miðar.
Í tilkynningu frá tónleikahaldaranum Senu kemur fram að engir aukatónleikar verða haldnir.
Frétt mbl.is: Red Hot Chili Peppers koma næsta sumar
Almenn miðasala hefst 15. desember kl. 10 á Miði.is. Forsala Senu Live fer fram 14. desember og forsala Songkick fer fram 13. desember.
Red Hot Chili Peppers hefur selt yfir 60 milljón plötur á ferli sínum.
Meðlimir eru Anthony Kiedis (söngur), Flea (bassi), Chad Smith (trommur) og Josh Klinghoffer (gítar). Undir flaggi sveitarinnar hafa þeir unnið sex Grammy-verðlaun.
Send verður út önnur tilkynning síðar sem útskýrir hvernig forsalan fer fram.