Þótt að Blac Chyna, sem heitir réttu nafni Angela Renee, sé trúlofuð Rob Kardashian þýðir það ekki endilega að hún muni fá að nota ættarnafn hans á opinberum vettvangi eftir brúðkaupið.
Samkvæmt frétt TMZ vilja systur Robs, Kourtney, Kim og Khloé, koma í veg fyrir að Chyna geti skrásett vörumerkið Angela Renee Kardashian og þar með notast við eftirnafn þeirra á opinberum vettvangi, til að mynda á samfélagsmiðlum.
Systurnar segja að Chyna vilji einungis hagnast á eftirnafni þeirra. Auk þess halda þær því fram að það muni valda mannorði þeirra skaða ef mágkona þeirra, sem er fyrrverandi nektardansmær, muni fá að nýta sér eftirnafnið.