Oflaunaðasti leikarinn í annað sinn

Johnny Depp hefur ekki átt sjö dagana sæla undanfarið, en fyrr á árinu skildi hann við eiginkonu sína Amber Heard. Skilnaðurinn var afar blóðugur, en Heard sakaði leikarann um að hafa beitt sig ofbeldi. Þá þurfti Depp að greiða Heard fúlgur fjár, eða 819 milljónir, við skilnaðinn.

Ekki batnar það því nú hefur Depp hlotið nafnbótina oflaunaðasti leikarinn, en hann situr á efsta sæti lista sem tímaritið Forbes tók saman.

Samkvæmt greiningu Forbes hafa síðustu þrjár kvikmyndir leikarans aðeins skilað 2,80 dollurum fyrir hvern dollara sem hann fékk að launum. Teiknimyndir og myndir sem sýndar voru í færri en 2.000 kvikmyndahúsum voru ekki teknar með í reikninginn.

Þetta er ekki í fyrsta skipti sem Depp hlotnast þessi vafasami heiður, en hann var einnig oflaunaðasti leikarinn á síðasta ári.

Frétt mbl.is: Johnny Depp oflaunaðasti leikarinn

Kvikmyndin Alice Through the Looking Glass halaði til dæmis ekki inn mikið af peningum. Stilla úr Alice Through the Looking Glass

• Blogga um frétt