Gagnrýnendur eru ekki par hrifnir af kvikmyndinni Christmas Office Party sem hefur hlotið afleita dóma eftir að hún var frumsýnd.
Kvikmyndin skartar Jennifer Aniston, Jason Bateman, Oliviu Munn og T.J. Miller í aðalhlutverkum, en stjörnufansinn virðist ekki duga til.
Þá líkti gagnrýnandi tímaritsins Rolling Stone myndinni hreinlega við skít.
„Þessi Hollywood-gamanmynd er eins og að finna skít í jólasokknum sínum.“
Gagnrýni sem birtist á vefnum The Wrap var lítið skárri, en þar segir: „Hollywood heldur áfram að verða sér til skammar með því að klæða sig upp eins og jólasveinninn, riðlast á löppum áhorfenda og vonast til þess að þeir skelli upp úr.“
Þegar þetta er skrifað er myndin með einkunnina 5,7 á IMDB, en á Rotten Tomatoes fær hún einungis 44%.
Frétt Daily Mail.