Hávær orðrómur þess efnis að Kourtney Kardashian eigi nú von á fjórða barninu sínu með fyrrverandi sambýlismanni sínum Scott Disick hefur verið á lofti undanfarna daga.
Gerði hún sér lítið fyrir og birti mynd af agnarsmáum barnaskóm og aukahlutum á samfélagsmiðlunum í gær og undir myndinni stóð, baby. Vilja fjölmiðlar vestan hafs meina að um staðfestingu orðrómsins sé að ræða.
Saman eiga þau Kardashian og Disick þrjú börn frá sambandi sínu sem lauk eftir skrautlegt líferni Disick og framhjáhald. Parið fyrrverandi eyddi miklum tíma saman um hátíðarnar ásamt börnunum sínum en einnig sást til þeirra í rómantísku fríi fyrir hátíðarnar. Það verður áhugavert að fylgjast með gangi mála en samband þeirra var vægast sagt stormasamt á meðan á því stóð.