Kom kærastanum rækilega á óvart

Söngkonan Katy Perry kom kærasta sínum, leikaranum Orlando Bloom, heldur betur á óvart þegar hún hélt fyrir hann heljarinnar teiti á dögunum.

Tilefni veislunnar var fertugsafmæli Bloom, en Perry kom sínum heittelskaða á óvart með því að bjóða móður hans til veislunnar eins og frem kemur í frétt E News.

Leikarinn var alsæll með glaðninginn, eins og sjá má á Instagram-síðu hans, þar sem hann birti mynd af móður sinni.

„Besta gjöf í heimi. Óvænt heimsókn frá mömmu minni,“ skrifaði leikarinn við færslu sína.

Bloom og Perry byrjuðu að slá sér upp í febrúar á síðasta ári, en Bloom var áður kvæntur fyrirsætunni Miröndu Kerr. Perry var hins vegar gift grínistanum Russell Brand, en leiðir þeirra skildi árið 2011.

Eins og sjá má var glatt á hjalla.

• Blogga um frétt