Bella Hadid, fyrrverandi kærasta tónlistarmannsins The Weeknd, er ekki par hrifin af ungstirninu Selenu Gomez sem er talin vera að slá sér upp með söngvaranum vinsæla.
Fyrirsætan hafði upphaflega haldið því fram að sambandsslitin hefðu verið gerð í góðu og að hún og tónlistarmaðurinn, sem heitir réttu nafni Abęl Tesfaye, væru mestu mátar. Hún er þó ekki hrifin af því að hann og Gomez séu farin að stinga saman nefjum svo fljótt.
„Sambandsslitin hjá Bellu og Abel voru ekki dramatísk, en að sjálfsögðu er hún reið og sár yfir því hversu fljótt hann er farinn að vera með Selenu,“ sagði heimildamaður tímaritsins People og bætti við að það hefði verið Hadid sem batt endi á sambandið.
Þá hefur einnig verið greint frá því að Hadid hafi hætt að fylgjast með Gomez á samfélagsmiðlum, enda hafi henni mislíkað hið nýja samband.
Frétt mbl.is: Selena Gomez og The Weeknd nýjasta parið?